MARKETING

اذاي اعرف ان اللى بعمله للتسويق ناجح وهيوصلنى للى بخطط له ولا لا ؟
- دراسة السوق وتحديد نقاط قوة وضعف المنافسين وطلبات العملاء وسلوكهم
- تحديد اذا كنا محتاجين Website  وايه شكله ومكوناته والوظائف اللى بيقوم بيها
- تحديد اللى محتاجينه من ال Social media  وازاي نقدم نفسنا عليها
- الاعلانات على ال Social media & Google search & Google display network
واخيرا التقييم وتطوير الاداء وهي دي الخطوة اللى بتجاوب على اهم سؤال " هل اللى عملناه حتى الان هيوصلنا لهدفنا ؟ "
علشان نقدر نجاوب على السؤال ده لازم نفهم الاول ايه المعلومات اللى نقدر نوصلها ومحتاجين منها ايه
اولاً : نقدر نوصل لمعلومات كتير جدا زي المحتوي بتاعنا وصل لكام شخص وكام فى المئة منهم اتفاعل معاه وشكل التفاعل كان ايه
 نقدر نعرف مين زار ال website  بتاعنا ووصله منين ( Google – Facebook )  ولا مكان تانى واقدر اعرف المدة اللى قضاها على ال Website وايه الصفحات  اللى شافها ... ومعلومات كتير عن كل تحركاته
وباختصار كل خطوة على ال  Social media  او ال Website  بتاعي اقدر اقراها واحولها لارقام استفيد  منها علشان كده لازم احدد نقطتين ادور عليهم فى كل المعلومات دي
KPI  (Key Performance Indicator  ) : وهي المفاتيح اللى بتعكس معنى معين انا  بستهدفه زي مثلا رقم ال Reach بيعكس عدد الاشخاص اللى شافوني , و  Engagement بيعكس عدد الاشخاص اللى بقى عندهم وعي بخدماتي
Conversions : هي الحركات اللى بيعملها العميل وتمثل قيمة بالنسبالى زي مثلا طلب الشراء اونلاين او التسجيل فى Newsletter  
 بمقارنة المخطط له مع ماتم تنفيذه بيظهر ادامي اي قصور واقدر اعالجه قبل  مايترتب عليه نتائج تدمر حملتي كلها ومن خلال نفس المعلومات نقدر نطور اداء حملتنا ونحقق بيها اهداف اكبر